Nú landið er opnað, og smitta kann væntast at síggjast aftur í Føroyum, fara vit at herða verjandi tiltøkini hjá okkum aftur.

1. Bert 1 foreldur/vaksið fólk kemur inn á stovnin við og eftir hvørjum barni. Onnur bíða uttanfyri í garðinum.
2. Í barnagarðsstovunum koma foreldur bara inn í durin við børnunum
3. í vøggustovunum kunnu foreldur koma inn til klædnaklivan hjá barninum.
4. Í øllum førum kemur bert eitt barn við vaksnum inn í senn. Onnur bíða uttanfyri. Vit royna at gera skjótt av.
5. Øll børnini skulu vaska hendur, tá tey koma og tá tey fara. Foreldur minna størri børnini á tað. Í vøggustovuni hjálpa foreldur barninum at vaska hendurnar væl,
6. Framvegis verður stongt millum lundirnar, og børn sleppa at ganga millum samanliggjandi stovur, men ikki millum húsini.
7. Vit fara at skiftast um at brúka garðin, so barnabólkarnir ikki blandast óneyðugt.

Undantak verður gjørt í sambandi við innkoyringar. Foreldur sleppa inn við nýggjum børnum.